පාසල් ගීතය

පාසල් ගීතය

අමරස සාදන විදු ආලෝකෙනි,

අප නැණ නෙත පෑදෙව් තරිදේ

විජේරියේ අප විදුහල් මාතා

නමදිමු බැතිනි හදේ

අමරස සාදන ............//

පෙරපර දෙස විදු සතර ලොලා

කෙළි නළු සිතුවම් ලලිත කලා

දෙව්මිණි වියතුන් තනන තුරා

යනු මැන ඔබ නව දියුණ බලා

අමරස සාදන ............//

එක මවකගෙ එක දරුවො ලෙසා

දෙස බස රැස දියුණුම සලසා

එක හිත එක හෘදය එක අදහස

පායමු දියුණ බලා

අමරස සාදන ..........//

සිහරජ කන්දෙන් ගලනා ගඟුලැලි

මිණි බිම දස අත රැස් විහිදූ

සිරිබර පරිසරයක අප විදුහල

බැබළේ සුමන විදූ

අමරස සාදන .............//